Hüquqi məlumat və istifadə şərtləri

1. Ümumi müddəalar

3DQARAJ — Azərbaycan oyun mərkəzləri, PlayStation klubları və yarış zalları üçün server və məzmun infrastrukturu təqdim edən platformadır. "Platforma", "Biz", "Xidmət" dedikdə 3DQARAJ və onun idarə etdiyi bütün texniki sistemlər nəzərdə tutulur.

Bu sənəd Məxfilik siyasəti və Haqqımızda səhifəsi ilə birlikdə vahid hüquqi çərçivəni təşkil edir. Şərtlərin hər hansı bəndi qüvvəsini itirərsə, digər bəndlər qüvvədə qalır.

2. Xidmətin təsviri

Platforma aşağıdakıları təmin edir:

• Assetto Corsa üçün launcher və mərkəzləşdirilmiş mod/xəritə sinxronizasiyası;
• Stabil oyun serverləri, slot idarəsi, onlayn status/API;
• Bakı və region xəritələri, Azərbaycan avtomobil modelləri — müntəzəm yenilənən kataloq;
• Klub sahiblərinə panel: abunəlik, server monitorinqi, cihaz idarəsi, audit;
• İstifadəçi hesabları, sosial: dostluq, mesaj, profil.

Kataloq və server tərkibi texniki səbəblərdən dəyişə bilər; yeni məzmun əvvəlcə VIP plan, sonra növbəti planlara açıla bilər.

3. Hesab, autentifikasiya və yaş həddi

3.1 Qeydiyyat

Hesab yaratmaq üçün email və şifrə və ya təsdiqlənmiş sosial giriş (Google/Discord) tələb olunur. Email doğrulaması olmadan hesab tam aktivləşmir. İstifadəçi adı 3–24 simvol, hərf/rəqəm/_ ola bilər.

3.2 Yaş həddi

Qeydiyyat üçün minimum yaş 13-dür. 13–18 yaş intervalında valideyn razılığı tövsiyə olunur. Yaş məlumatı profilin görünməsi və təhlükəsizlik üçün istifadə olunur.

3.3 Təhlükəsizlik

Şifrə hash-lənir, açıq mətn saxlanılmır. Email ilə 2FA (6 rəqəmli kod) aktivdirsə, hər girişdə email kodu tələb olunur — kod 5 dəqiqə keçərlidir. Şifrəni və kodu üçüncü şəxslə paylaşma.

3.4 Sosial bağlantılar

Google/Discord bağlayıb ayıra bilərsən, lakin son giriş üsulunu şifrə yaratmadan ayırmaq mümkün deyil — hesabı itirməmək üçündür.

4. Klublar üçün xüsusi şərtlər

Klub sahibi launcher-i yalnız öz infrastrukturu çərçivəsində quraşdırmalıdır. Abunəlik STANDARD / PRO / VIP səviyyələrində fərqlənir: server sayı, masa limiti, mod prioriteti, dəstək SLA-sı.

• Klub cihazlarında pirat/modifikasiya olunmuş oyun nüsxəsindən istifadə qadağandır — lisenziya klubun məsuliyyətindədir;
• Serverlərin sui-istifadəsi (spam, fırıldaq, bot) aşkarlanarsa xidmət məhdudlaşdırıla bilər;
• Ödəniş gecikməsində məzmun sinxronizasiyası və server əlçatanlığı müvəqqəti dondurula bilər.

5. Ödəniş, abunəlik və geri qaytarma

Qiymətlər AZN ilə aylıq göstərilir. Ödəniş provayderi kart məlumatlarını saxlayır, 3DQARAJ serverlərində kart saxlanılmır. Abunəlik avtomatik yenilənirsə, ləğv paneldən edilir; cari dövrün sonunadək xidmət qalır.

Geri qaytarma sorğuları texniki nasazlıq və xidmətin göstərilməməsi hallarında [email protected] ünvanında 10 iş günü ərzində baxılır.

6. Məzmun, əqli mülkiyyət və lisenziya

Xəritə və avtomobil modelləri — icma və tərəfdaşlar tərəfindən hazırlanmış derivativ məzmun ola bilər. Hər modelin lisenziyası fərqli ola bilər; kommersiya istifadəsi üçün icazə alındığı qeyd olunur.

Platforma loqosu, UI və launcher kodu 3DQARAJ mülkiyyətidir. Məzmunu kopyalama, dekompilyasiya və yenidən paylaşma yalnız yazılı razılıqla mümkündür.

7. İstifadə qaydaları — qadağan olunanlar

• Serverləri çökdürmək, fırıldaq alətləri, exploit, DDoS;
• Digər istifadəçiləri təhqir, spam, nifrət nitqi;
• Şəxsi məlumatları icazəsiz toplamaq / paylaşmaq;
• Launcher-i tərs mühəndislik, modifikasiya edib yenidən yaymaq;
• Qanunsuz məzmun yükləmək və ya paylaşmaq.

Qayda pozuntusunda xəbərdarlıq, müvəqqəti blok və ya daimi blok tətbiq edilə bilər.

8. Zəmanət və məsuliyyət hədləri

Xidmət "olduğu kimi" təqdim olunur; 100% kəsintisizlik zəmanət edilmir — planlı texniki işlər və fors-major halları mümkündür. Birbaşa itkilərdən məsuliyyət aylıq abunə məbləği ilə məhdudlaşa bilər, qanunun imkan verdiyi həddə.

Üçüncü tərəf xidmətləri (Google, Discord, ödəniş provayderi, hosting) öz şərtlərinə tabedir; onların kəsilməsinə görə 3DQARAJ məsul deyil.

9. Xidmətin dayandırılması və hesabın silinməsi

Hesabını Ayarlar və ya dəstək vasitəsilə sildirmək olar. Silinmə sorğusundan sonra məlumatlar qanuni saxlama müddətləri istisna olmaqla silinir və ya anonimləşdirilir. Aktiv abunəlik varsa, əvvəl ödənişi ləğv et, sonra silinmə et.

3DQARAJ ağır qayda pozuntusunda hesabı və klub əlçatanlığını xəbərdarlıqla və ya xəbərdarlıqsız dayandıra bilər.

10. Hüquqi uyğunluq və tətbiq olunan hüquq

Mübahisələr öncə danışıqlar və dəstək kanalı ilə həll edilir. Razılaşma olmadıqda Azərbaycan qanunvericiliyi tətbiq olunur. Fərdi məlumatların emalı Məxfilik siyasətinə tabedir.

Şərtlər yenilənəndə saytda və hesab bildirişində göstərilir; əhəmiyyətli dəyişiklik qüvvəyə minmədən əvvəl elan edilir.

11. Əlaqə və hüquqi sorğular

Hüquqi sorğular: [email protected] — mövzu "Hüquqi sorğu". Ənənəvi poçt və ya nümayəndə ilə əlaqə üçün əvvəl email ilə razılaş.

Texniki dəstək və abunəlik məsələləri üçün paneldəki dəstək bölməsindən istifadə et — daha sürətli cavab üçün klub ID və hesab adını qeyd et.